За Роса Продукција – Радио Роса

За Роса Продукција

ПОРТФОЛИО

Почитувани, ДПТУ „Роса Продукција“ дооел – Скопје е фирма-ќерка на добро познатото Радио Роса 98,1 ФМ. Нејзина примарна дејност е организирање на културно-уметнички манифестации од фолклорен и забавен карактер како солистички и групни концерти, па се до фестивали и промотивни настани.

Главен ангажман на продукцијата е организирање на фестивалот „Фолк Фест Роса“ кој се одржува секоја година, традиционално – во последниот петок во месец Ноември. Фестивалот „Фолк Фест Роса“ низ годините се изгради како најреномиран фестивал за промовирање на македонската новосоздадена народна песна. Фестивалот е од ревијален карактер и единствените награди кои се доделуваат се наградите за животно дело, по три награди во секоја година и тоа на личности кои навистина оставиле огромен печат во македонското творештво.

Досега се доделени вкупно 48 награди за животно дело на најеминентните македонски композитори, текстописци, аранжери, музичари и пејачи меѓу кои се вбројуваат: Васка Илиева, Александар Сариевски, Петранка Костадинова, Јонче Христовски, Анка Гиева, Никола Бадев, Костадинка Палазова, Милан Завков, Виолета Митева, Миле Барбаровски, Вања Лазарова, Пепи Бафтировски, Пеце Атанасовски и многу други доајени на македонската музичка народна уметност.

Овој фестивал исто така може да се пофали и со големиот број на хитови кои токму оттука се вивнаа на врвот на топ листите а воедно и се обнародија меѓу луѓето и станаа барани на сите семејни и народни веселби.

Покрај ова, Роса Продукција успешно ги реализираше следниве естрадни концерти на:

– Миле Кузмановски (26.04.2010г.) по повод 20 години од неговата музичка кариера

– Миле Кузмановски (16.04.2012г.)

– Благоја Грујовски (11.04.2013г.) по повод 20 години од неговата музичка кариера

– Миле Кузмановски (14.02.2014г.)

– Марјан Коцев (11.04.2014г.) по повод 20 години од неговата музичка кариера

– Ефто Пупиноски (16.05.2014г.) по повод 40 години од неговата музичка кариера

– Момо Николоски (24.04.2015г.) по повод 40 години од неговата музичка кариера

Издаваштво:
Роса Продукција има издадено 16 двојни аудио цедеа, од секој одржан фестивал поединечно, во тираж од преку 300 диска по албум.
Првиот албум
на естрадниот уметник Наум Петрески, насловен како „Песно моја“ е издаден токму од оваа продукција.
Првиот албум на естрадниот уметник Стеван Христовски, насловен како „Наследство“ издаден во 2015г.

Сите сработени проекти на Роса Продукција се одликуваат со професионална организација и квалитет на завидливо високо ниво. За тоа сведочи и фактот дека постојано добиваме поддршка од Министерството за Култура на Република Македонија, Градот Скопје, повеќе општини низ Македонија како и од самиот народ кој со своето присуство во огромен број на самите настани ја потврдува желбата и потребата за следење на квалитетна културно-уметничка програма.

Нашата мисија е да ја осигураме навиката за негување на народната песна, да обезбедиме простор и да дадеме поттик на нови и надежни таленти да станат дел од најзначајниот сегмент на современото општество – народната музика.